Pasagjeri bëhet nervoz sepse stjuardesa i shërbeu një banane – së bashku me një thikë dhe një pirun! (Foto)

Një pasagjer i cili porositi një mëngjes pa gluten në një fluturim nëntë orësh pohon se atij iu dha një banane e vetmuar, ndërsa udhëtarët e tjerë u shërbyen me sallam dhe vezë.

Siç shkruajnë mediat e huaja, përcjell Telegrafi, Martin Pavelka nga Londra pretendon se një banane e vetmuar i ishte shërbyer atij në një fluturim të All Nippon Airways nga Tokio në Sidnei, e cila ishte pjesa e dytë e udhëtimit të tij prej 1.200 dollarësh në Australi.

Siç bëhet e ditur më tej, atij banana i erdhi me një letër të ngjitur në të në të cilën shkruante “GF” – për gluten free – dhe i ishte shërbyer atij me një pako që përmbante një thikë, pirun dhe kripë.

Pavelka, i cili vuan nga një çrregullim i traktit të tretjes, ishte shërbyer me një vakt të duhur mbrëmjen e mëparshme. Megjithatë, kjo gjë atë e kishte nervozuar pasi ai priste diçka më thelbësore për mëngjes.

“Të gjithë pasagjerët e tjerë u shërbyen një vakt të plotë mëngjesi i përbërë nga vezë, sallam, kërpudha, bukë dhe kos”, tha ai për Evening Standard. “Ishte një fluturim nëntë orë. Megjithëse ishte një ushqim pa gluten, banana nuk më mbajti për shumë kohë”.

Ai tregon se të gjithë pasagjerët kishin qeshur kur ai ishte ankuar tek vajza që i ishte shërbyer bananen. /Telegrafi/