Pas kërcënimeve nga Gjuriq, lirohen pesë serbët e arrestuar

Kryeprokurori i Prokurorisë Themelore në Gjilan, Jetish Maloku e ka konfirmuar për Telegrafin se janë liruar pesë serbët e arrestuar.

Sipas tij, të dyshuarit janë dërguar pranë stacionit në Gjilan, ku më pas janë intervistuar nga hetues nga drejtorati për krime të rënda të Prishtinës.

Ai ka theksuar se pas intervistimit dhe dëgjimit të tyre, të njëjtit janë liruar, por që hetimi sipas tij, për ta vazhdon me procedurë të rregullt.

Lexo po ashtu Gjuriq: Serbët e arrestuar të lirohen deri në mbrëmje, në të kundërtën s'ka dialog

“Janë konfiskuar disa materiale të ndryshme. Do të bëhet ekzaminimi i të gjitha materialeve, përfshirë fishekë dhe armë, të cilat do të jenë si prova eventuale për procedurë të ardhshme”, ka shtuar Maloku.

Lexo po ashtu Policia aksion në Gjilan, arrestohen pesë serbë për prishje të rendit kushtetues

Ndryshe, drejtori i Zyrës për Kosovën në Qeverinë e Serbisë, Marko Gjuriq, tha të martën se Serbia do të ndërpresë dialogun në Bruksel, nëse deri në mbrëmje nuk lirohen serbët e arrestuar sot në Gjilan nga Policia e Kosovës.

Ai kishte theksuar se ky mesazh është edhe në emër të presidentit të Serbisë, Aleksandar Vuçiq dhe se me këtë qëndrim të Serbisë sipas tij, janë njoftuar edhe përfaqësuesit e Bashkimit Evropian. /Telegrafi/