Lionel Messi shkoi te ultrasët e Paris Saint-Germain për herë të parë pas humbjes nga Bayern Munich të martën mbrëma.
Parisienët dhe Bavarezët u takuan në një përsëritje të finales së Ligës së Kampionëve të vitit 2020 dhe përsëri ishte Kingsley Coman që shënoi golin e fitores.
Kylian Mbappe hyri në pjesën e dytë dhe iu anuluan dy gola, ndërsa Benjamin Pavard u përjashtua me karton të kuq në kohën shtesë për mysafirët pas një ndërhyrje të ashpër ndaj Messit që rezultoi me të verdhin e dytë.
Shtatë herë fituesi i Topit të Artë nuk ishte në maksimumin e tij pasi u kthye nga një lëndim, por ai bëri një gjest që e afroi atë me tifozët e klubit.
Pas ndeshjes, ai dhe Neymar iu drejtuan ultrasve të PSG-së pas portës. Ata u filmuan duke kërcyer mbi tabelat e reklamave dhe duke përshëndetur pjesën më të pasionuar të bazës së tifozëve të klubit.
Ishte humbja e tretë radhazi për skuadrën e Christophe Galtier dhe mund ta kuptoni se ultrasit e tyre ishin të zemëruar. Megjithatë, përgjigja e tyre ishte relativisht e qetë, pas një përfundimi premtues të lojës nga ana e tyre.
Deri të martën mbrëma, Messi nuk kishte kaluar kurrë te ultrasit që kur u bashkua në një transferim të lirë në verën e vitit 2021. /Telegrafi/
https://twitter.com/__Footballtime/status/1625619304312872963?ref_src=twsrc%5Etfw%7Ctwcamp%5Etweetembed%7Ctwterm%5E1625619304312872963%7Ctwgr%5Eab3da74f9fb5f14c7bdd61cb1bc01225e9abdb96%7Ctwcon%5Es1_&ref_url=https%3A%2F%2Fwww.givemesport.com%2Flionel-messi-went-to-psg-ultras-for-the-first-time-after-1-0-bayern-loss%2F
