Pas dorëheqjes së Johnsonit, Biden: Marrëdhëniet me Britaninë e Madhe mbeten të forta dhe të qëndrueshme

Presidenti amerikan, Joe Biden thotë se mezi pret të vazhdojë bashkëpunimin e ngushtë me qeverinë e Mbretërisë së Bashkuar.

I pari i shtetit amerikan ka fol pas njoftimit për dorëheqje të Boris Johnsonit, i cili do të qëndrojë në krye të qeverisë britanike deri në zgjedhjen e kryeministrit të ri.

“Mbretëria e Bashkuar dhe Shtetet e Bashkuara janë miqtë dhe aleatët më të ngushtë ndërsa marrëdhënia e veçantë mes popullit tonë mbetet e fortë dhe e qëndrueshme”, tha Biden, raporton bbc.

Lexo po ashtu Boris Johnson "tashmë ka një Plan B - dhe do të bëjë miliona"

Ai tha se SHBA-ja dhe Britania do të vazhdojnë të punojnë së bashku për çështjet duke përfshirë “mbajtjen e një qasjeje të fortë dhe të bashkuar për të mbështetur popullin e Ukrainës”.

Ndërkohë, presidenti ukrainas, Volodymyr Zelensky e falënderoi më herët 58-vjeçarin për “veprimin vendimtare” rreth Ukrainës.

Ndryshe, Johnson ka pranuar të largohet nga drejtimi i partisë Konservatore, gjegjësisht nga drejtimi i qeverisë pas plasjes së disa skandaleve brenda kabinetit të tij. /Telegrafi/

JUST IN: @POTUS Biden statement on @BorisJohnson’s resignation: “the special relationship between our people remains strong and enduring. I look forward to continuing our close cooperation with the government of the United Kingdom, as well as our Allies and partners…” pic.twitter.com/sk4X6vWOxb

— Ed O'Keefe (@edokeefe) July 7, 2022