Pas arrestimit të kryetarit të Gjykatës Ekonomike të Malit të Zi, reagon kryeministri Abazoviq

Shumë gjëra të çuditshme kanë ndodhur në Mal të Zi dhe tani është koha për të dhënë llogari, tha kryeministri i Malit të Zi, Dritan Abazoviq.

Ai përshëndeti aksionin e e sotëm të policisë, ku u arrestua kryetari i Gjykatës Ekonomike, Blaz Jovaniq.

“Përgjigja më e mirë rreth tregimeve për mungesën e luftës kundër krimit të organizuar dhe korrupsionit duhet të jenë si sot në mëngjes. Le të flasin rezultatet, gjithçka tjetër është politikë. Pres që ky trend të vazhdojë”, tha ai.

Lexo po ashtu Arrestohet kryetari i Gjykatës Ekonomike të Malit të Zi

“Shpresoj që rezultatet në periudhën e ardhshme të jenë edhe më të dukshme”, tha 36-vjeçari.

Kryeministri gjithashtu shprehu keqardhjen që duhet të rritet niveli i sigurisë së kryeprokurorit të ri të posaçëm Vladimir Novoviq, i cili sot dha urdhërimin për arrestimin e Jovaniqit.

Ndryshe, Jovaniq është arrestuar nën dyshimet për organizimin e një grupi kriminal dhe shpërdorim të pozitës zyrtare. /Telegrafi/