Paris Saint-Germain e bën prioritet yllin e Serie A për të zëvendësuar Mbappen

Paris Saint-Germain thuhet se e ka identifikuar yllin e Napolit, Khvicha Kvaratskhelia si zëvendësuesin ideal për Kylian Mbappen sezonin e ardhshëm.

Reprezentuesi francez do të largohet si lojtar i lirë në verë dhe të gjithë e dinë prej disa kohësh se ai po shkon drejt Real Madridit.

Tashmë ishte sugjeruar se PSG po kërkonte drejt Serie A për zëvendësimin e tij, me emra që përfshinin Rafael Leao të Milanit dhe yllin e Napolit, Victor Osimhen.

Megjithatë, sipas gazetës franceze RMC Sport, Kvaratskhelia është vënë në dukje nga trajneri Luis Enrique si prioriteti numër një për këtë rol.

🇬🇪 L'ailier du Napoli Khvicha Kvaratskhelia est la priorité de Luis Enrique pour remplacer Mbappéhttps://t.co/Fy4FL9tvoD

— RMC Sport (@RMCsport) May 9, 2024

23-vjeçari nga Gjeorgjia është nën kontratë deri në qershor 2027, por ka diskutuar një marrëveshje të re me shifra shumë të ndryshme pagash pas sezonit të tij të jashtëzakonshëm debutues.

Sezoni i tij i dytë nuk ka qenë aq mbresëlënës, pjesërisht sepse Napoli në tërësi pati vështirësi në periudhën pas Scudettos, por ai gjithsesi kontribuoi me 10 gola dhe nëntë asistime në 42 paraqitje.

RMC Sport këmbëngul se shoqëruesit e Kvaratskhelia u treguan se ishin ‘entuziast’ për idenë e bashkimit me Paris Saint-Germain.

Megjithatë, nuk ka marrëveshje me lojtarin apo Napolin, i cili vlerësohet në 120 milionë euro.

Kvaratskhelia iu bashkua klubit Partenopeit për vetëm 13.3 milionë euro nga Dinamo Batumi në verën e vitit 2022. /Telegrafi/