Paraqitja e Rey Manajt me Barcelonën dhe tre golat e tij kanë rritur interesimin e klubeve për shqiptarin

Rey Manaj është i lidhur shumë me një largim nga Barcelona këtë verë dhe ka zëra që ai mund të lëvizë për në Portugali.

Bisedimet me klubin portugez Famalicao janë me sa duket në një fazë të përparuar dhe Barcelona shpreson të arrijë një marrëveshje sa më shpejt, që të sjellë fonde që janë shumë të nevojshme për klubin.

Manaj luajti shanset e tij të mërkurën, ku shënoi het-trik në miqësoren e parë para-sezonale të Barcelonës kundër Nastic de Tarragona, ku një paraqitje e tillë ka tërhequr shumë vëmendje nga klubet në të gjithë Evropën.

🎩 Rey Manaj dialed in 💥💥💥 pic.twitter.com/BIiFU9gIme

— FC Barcelona (@FCBarcelona) July 22, 2021

Skuadra nga “Camp Nou” nënshkroi sulmuesin shqiptar nga Albacete në janar 2020 për rreth 700,000 euro, me dy milionë euro të tjera shtesë.

Kontrata e tij zgjat deri në vitin 2023 dhe ka një klauzolë lirimi prej 50 milionë euro.

Ai me Barcelonën B kanë qenë mbresëlënës dhe e përfundoi sezonin si shënuesi më i mirë vitin e kaluar me 14 gola.

Performancat si ajo e së mërkurës do të bëjnë që Manaj të paraqitet ndoshta në ekipin e parë, por klubi tashmë po kërkonte ta transferojë.

24-vjeçari e filloi karrierën e tij në Sampdoria para se të transferohej në Cremonese.

Ai më pas u transferua në Inter dhe u huazua te Pescara dhe Pisa.

Ai u bashkua me Granada në sezonin 2017/18 dhe më pas u bashkua me Albacete para se të nënshkruante për klubin katalanas. /Telegrafi/