Para takimit me Fenerbahçen e Muriqit, Zidane tregon se për çka ka nevojë Reali

Real Madridi ka pësuar edhe një humbje në takimet para sezonale duke u eliminuar nga Audi Cup.

Madrilenët pësuan humbje kundër Tottenham Hotspur me rezultat minimal 1-0, ku golashënues ishte Harry Kane.

Pas takimit para mediave ka folur trajneri Zinedine Zidane, i cili shihej tejet i mërzitur, por që i ka siguaur fansat se e ka ekipin më të mirë në botë.

“Ne ishim të mirë dhe ajo që duhet të bëjmë është të përmirësohemi çdo ditë. Unë nuk jam i lumtur për humbjen, por kemi qenë më të mirë”.

“Keylor ka qenë shumë i mirë, por është gjithçka e qartë. Të gjithë janë të qartë. Ne jemi të gjithë në të njëjtin ekip ”.

“Ne jemi këtu dhe lojtarët janë këta. Deri në 31 gusht gjërat mund të ndryshojnë. Unë u besova lojtarëve të mi. Është e vërtetë që kemi filluar keq, por nuk duhet ta humbim besimin sepse viti është shumë i gjatë”.

Lexo po ashtu Pesë gjërat që i mësuam nga ndeshja Real - Tottenham

“Fansat e Madridit nuk kanë pse të shqetësohen, unë jam gjithmonë pozitiv. E di që është e komplikuar sepse ne sapo kemi përfunduar një sezon të vështirë. E di që kam një ekip të shkëlqyeshëm. Ajo që na duhet është të fitojmë një ndeshje. . Thjesht na duhet kjo”, pohoi trajneri francez.

Ndryshe, Reali ka mundësi të triumfoj gjatë ditës së sotme kur do të takohet me skuadrën turke të Fenerbahçes. /Telegrafi/