Panasonic zvogëlon prodhimin e plazmave

Panasonic paralajmëroi zvogëlimin e prodhimit të ekraneve plazma dhe largimin e disa mijëra punëtorëve.

Sipas shkrimeve në gazetat japoneze të cilat transmetohen nga Reuters, kompania do të ndërpres prodhimin e paneleve plazma në fabrikën e vet Amagasaki No. 3 në Japoninë jugore. Amagasaki No. 3 është fabrika më e madhe e ekraneve plazma me kapacitetin deri në 330,000 panele plazma në muaj, ndërsa është përfunduar në dhjetorin e vitit 2009. Në fabrikë prodhohen panelet e mëdhenj, me diagonale në mes 42 dhe 150 inç.

Panasonic sipas pohimeve gjithashtu po e shqyrton shitjen e fabrikës së vet të ekraneve LCD që ndodhet në afërsi të Tokios.
Për shkak të mbylljes së fabrikave kompania do ta zvogëloj numrin e të punësuarve për disa mijëra, duke përfshirë edhe ata që dëshirojnë të largohen vullnetarisht.

Në Panasonic për momentin vetëm theksojnë se kompania po shqyrton mundësitë e ndryshme në biznesin e tyre në lidhje me televizorët, por në këtë moment nuk kanë asgjë për të publikuar. /Telegrafi/