Një vajzë e vogël me gjak në fytyrën e saj, është mbuluar nga pluhuri dhe rrënojat pas një sulmi ajror nga i cili mbetën të vrarë motra e saj dhe dy fëmijë të tjerë.
Sipas mediave të huaja, përcjell Telegrafi, fëmija, që duket e shokuar, tani thuhet se po lufton për jetën e saj pasi u nxor nga rrënojat, pas një pune prej më shumë se dy orë.
Ajo është emëruar nga një agjenci ndihmash si Aseel Qatran, e cila thuhet se ka humbur dy nga të afërmit e saj në dhunën e kryer nga forcat e presidentit sirian Bashar al-Assad.
Regjimi i Asadit synonte Khan Sheikhoun, në provincën Idlib, i cili është bastioni i fundit i madh rebel në Siri, të martën, shkruan metro.co.uk.
Aktivistët e opozitës, Mbrojtja Civile Siriane, të njohur edhe si helmeta të bardha, thonë se bombardimet dhe sulmet ajrore në qytet vranë së paku tre vetë dhe plagosën tetë vetë.
Ndërsa Observatori Sirian për të Drejtat e Njeriut me bazë në Britani, një grup monitorimi i luftës, dha shifra më të larta, duke thënë se pesë persona u vranë - tre fëmijë – nga një sulm ajror dhe dy gra në granatimet e artilerisë.
Dhuna është thënë të jetë intensifikuar në Khan Sheikhoun gjatë disa javëve të kaluara pasi militantët e lidhur me al-Kaidën morën pjesën më të madhe të provincës Idlib.
Si pasojë, mijëra civilë u detyruan të largohen nga qyteti pas sulmeve, ka thënë Observatori.
Gjithashtu, përveç fotos së vogëlushes, janë publikuar edhe fotografi të tjera nga pasojat treguan një baba që puthte këmbët e vajzës së tij të vdekur, pasi trupi i vajzës së vogël u nxor nga punëtorët e shpëtimit. /Telegrafi/
