Pamje nga vendosja e kamerave në veri

Në Mitrovicë të Veriut, Zveçan, Leposaviq dhe Zubin Potok është duke u vendosur sistemi i vëzhgimit me kamerë.

Ekipi i Telegrafit të premten ka qëndruar për disa minuta në sheshin “Car Llazar” në veri të Mitrovicës ku ju sjellë pamje të punëtorëve të kompanisë së kontraktuar duke i vendosur kamerat e sigurisë.

Lexo po ashtu Vendosja e kamerave të sigurisë në veri, Elshani: Do të krijojmë një klimë të sigurisë më të madhe te qytetarët

Zëvendësdrejtori i Policisë së Kosovës për rajonin e Mitrovicës së Veriut, Veton Elshani në një intervistë për Telegrafin ka treguar se sa e rëndësishme është vendosja e sistemit të vëzhgimit në katër komunat veriore të Kosovës.

“Prej momentit që kemi ardhur këtu në dhjetor të vitit 2022, ne e kemi pas për obligim me i mbrojtë stacionet policore dhe pikat ku rrinë policia. Aty ku ka pikë statike, aty ku është policia ka dhe kamera. Sidoqoftë tani jemi zgjeruar duke marrë më shumë policë në detyrë. Jemi zgjeruar në kualitet të hetimeve dhe e kemi të arsyeshme dhe kemi bërë kërkesë që të vendosen kamera në mbarë territorin e veriut të vendit, nëpër rrugë magjistrale, e rrugë komunale si në Mitrovicë Veriore, Leposaviq, Zveçan dhe Zubin Potok”, ka thënë Elshani.

Elshani tregoi se do të jenë diku rreth 200 kamera që do të vendosen në katër komunat veriore.

Më poshtë i keni disa fotografi të shkrepura nga fotoreporteri i Telegrafi.com, Ridvan Slivova: