Sulmuesi suedez Alexander Isak u pa i dëshpëruar në rikthimin e tij në stërvitje me Newcastle, vetëm pak orë pasi shpërtheu polemika mbi të ardhmen e tij.
25-vjeçari, i cili sezonin e kaluar ishte golashënuesi më i mirë i klubit me 27 gola, ka bërë të qartë se dëshiron të transferohet te Liverpool, duke akuzuar klubin se ka thyer premtimet ndaj tij.
Situata u përshkallëzua edhe më tej të mërkurën, kur suedezi mbërriti në qendrën stërvitore të Darsley Park. Ai u stërvit i veçuar nga pjesa tjetër e skuadrës dhe nuk pati asnjë ndërveprim me stafin teknik apo shokët e ekipit.
Për seancën e tij u angazhua një trajner i akademisë, ndërsa burime pranë klubit zbuluan se Isak bëri vetëm disa ushtrime të lehta, vrapime dhe pasime të thjeshta, gjë që u përshkrua si “pamje e trishtueshme”.
Sulmuesi vlerësohet me 175 milionë euro, ndërsa pritet të gjobitet për shkak të refuzimit për të luajtur në ndeshjen e fundit kundër Aston Villas.
Ndërkohë, Newcastle ka sqaruar se i ka ofruar atij të gjitha mjetet e nevojshme për t’u stërvitur, por pa e përfshirë në programet kolektive të ekipit.
E ardhmja e Isak mbetet në dilemë, teksa Liverpool ka shfaqur interes serioz për të, ndërkohë që marrëdhënia e tij me “Larasakat” duket se ka arritur në pikën më kritike që nga transferimi i tij rekord në vitin 2022. /Telegrafi/
