Pak muaj pas largimit nga Milani, Paolo Maldini rikthehet përsëri në botën e futbollit

Paolo Maldini së shpejti mund t’i rikthehet futbollit, pasi raportet e fundit e kanë lidhur atë me një lëvizje në rolin e drejtorit sportiv në Ligën Saudite tek Al-Ittihad.

Sipas një ekskluziviteti nga eksperti Fabrizio Romano të premten në mbrëmje, ish-kapiteni legjendar i Milanit është kandidati kryesor për të marrë këtë post tek Al-Ittihad.

Maldini ka mbetur i papunë që nga largimi i tij pa ceremoni nga Milani, ku kishte shërbyer si drejtor teknik, në fund të sezonit 2022-23. Drejtorit sportiv Ricky Massara iu tregua gjithashtu dera e largimit gjatë verës.

🚨 EXCL: Paolo Maldini, main candidate to become new Al Ittihad director with new chapter in Saudi Pro League. 🇸🇦

Former AC Milan director, set to decide his future soon with Al Ittihad serious possibility being considered.

Al Ittihad also recently fired Nuno Espirito Santo. pic.twitter.com/mNQRkEYypJ

— Fabrizio Romano (@FabrizioRomano) November 10, 2023

Gjatë kohës së tij si drejtor në “San Siro”, Maldini u vlerësua me sigurimin e një lidhjeje të rëndësishme midis skuadrës së parë dhe bordit të drejtorëve. Ai njihej gjithashtu si motivuesi kryesor i skuadrës, duke edukuar lojtarët për rëndësinë e përfaqësimit të Milanit.

Megjithatë, kishte disa pyetje mbi rekrutimet dhe strategjinë e transferimeve të kuqezinjve gjatë asaj periudhe.

Lexo po ashtu Maldini zgjodhi mbrojtjen më ideale të mundshme, lë jashtë Cafun - ai nuk mund të vendoste për një portier

Maldini do të takohej me një grup interesant lojtarësh nëse do të merrte detyrën tek Al-Ittihad. Klubi arab aktualisht ka në radhët e tyre ish-fituesin e Topit të Artë, Karim Benzema, si dhe kampionin e mëparshëm të botës N’Golo Kante, brazilianin Fabinho dhe ish-mbrojtësin e Lazios , Luiz Felipe.

Momentalisht, prioriteti kryesor për Al-Ittihad është gjetja e një trajneri të ri, pasi Nuno Espirito Santo u shkarkua të mërkurën./Telegrafi/