LAJMI I FUNDIT:

Pacolli: Koalicioni AKR, NISMA dhe PD do ta forcojë partneritetin e Kosovës me Perëndimin

Pacolli: Koalicioni AKR, NISMA dhe PD do ta forcojë partneritetin e Kosovës me Perëndimin

Kreu i Aleancës Kosova e Re, Behgjet Pacolli, ka thënë se po e nisin rrugëtimin e koalicionit fitues të AKR-së, Nismës Socialdemokrate dhe PD-së.

Sipas njoftimit për media, Pacolli në konventen e mbajtur të koalicionit Aleanca Kosova e Re, Nisma Socialdemokrate dhe Partia e Drejtësisë, ku Fatmir Limaj është nominuar për kryeministër të Kosovës ka deklaruar se Kosovës i duhet një qeverisje që i siguron zhvillim, vendin e merituar në botë, qeverisje dinjitoze, të sinqertë, qeverisje ku çdo qytetar do të kthejë besimin e tij tek lidershipi i vendit.

“Nga këtu inkurajoj mbështetjen tuaj të dashur qytetarë. Me punë profesionale, me respekt ndaj vendit, ndaj detyrës, ndaj institucionit, me sinqeritet, të ndërtojmë një Kosovë të cilën e ka ëndrruar me shekuj secili qytetar”, tha Pacolli.


Ai shtoi se nuk ishte koha e duhur për zgjedhje dhe se sipas tij Kosova ka mbetur mbrapa me shumë dekada, ka mbetur mbrapa shoqërive të civilizuara.

“Ne kemi humbur shumë kohë. Praktikat tregojnë që partitë mbas zgjedhjeve nuk janë marrë vesh, ne jemi ata që do të shpëtojmë kohë për Kosovën. Koha e fundit është tani që të prodhojmë lajme të mira. Imazhi i Kosovës po shkatërrohet çdo ditë”, vlerësoi kreu i AKR-së, Behgjet Pacolli.

Ndër të tjera në njoftim thuhet se Pacolli foli edhe rreth koalicionit me Nismën Socialdemokrate dhe Partinë e Drejtësisë, duke thënë se ky koalicion do të shpalos programin e shpresës dhe ndryshimit për popullin e Kosovës nga sot deri më 6 tetor.

“Punësimi do të jetë tema kryesore, ne do të luftojmë varfërinë duke krijuar vende pune, duke qenë kreativ në implementimin e reformave të ndryshme qeveritare, duke krijuar perspektivë për rinin tonë. Do të forcojë partneritetin tonë me Perëndimin dhe Shtetet e Bashkuara dhe do të fuqizojë shtetin ligjor. Koalicioni ynë është shtylla kryesore e qeverisë së ardhshme. Ne do t’i japim shpresë popullit dhe do ta shndërrojmë Kosovën tonë në një vend modern dhe të prosperuar. Bashkohuni me rrugëtimin tonë të shpresës dhe pas 6 tetorit do të hapim kapitullin e ri së bashku në Kosovë”, përfundoi Pacolli. /Telegrafi/

Në trend Lajme

Më shumë
Arrestohet kryeshefi i KRU

Arrestohet kryeshefi i KRU "Gjakova" - Prokuroria Speciale tregon se çfarë konfiskoi në shtëpinë dhe zyrën e tij

Lajme
Avokati i Thaçit sqaron: Kërkesa për pjesëmarrje në varrim është dorëzuar të hënën, por ai nuk do të marrë pjesë

Avokati i Thaçit sqaron: Kërkesa për pjesëmarrje në varrim është dorëzuar të hënën, por ai nuk do të marrë pjesë

Lajme
Varroset babai i ish-presidentit, Hashim Thaçi i dërgon kurorë lulesh me një mbishkrim prekës

Varroset babai i ish-presidentit, Hashim Thaçi i dërgon kurorë lulesh me një mbishkrim prekës

Lajme
Fjalim emocionues i Endrit Thaçit: Babin nuk e lejuan t’ia gjuajë një grusht dhe të Drenicës, por në vend të tij sot ka ardhur Kosova, Shqipëria, Maqedonia e Lugina

Fjalim emocionues i Endrit Thaçit: Babin nuk e lejuan t’ia gjuajë një grusht dhe të Drenicës, por në vend të tij sot ka ardhur Kosova, Shqipëria, Maqedonia e Lugina

Lajme
E mbijetuara e zjarreve drejtuar policisë: I kërkova ndihmë pasi nuk kisha frymë dhe polici më tha se nuk mundet

E mbijetuara e zjarreve drejtuar policisë: I kërkova ndihmë pasi nuk kisha frymë dhe polici më tha se nuk mundet

Kronikë e Zezë
Linda Rama: Nuk qëndrova dot në Tiranë, doja të jem këtu sot me nënën dhe gruan e Hashim Thaçit

Linda Rama: Nuk qëndrova dot në Tiranë, doja të jem këtu sot me nënën dhe gruan e Hashim Thaçit

Lajme
Kalo në kategori