Pa optimizëm përfundoi takimi në residencën e BE në Shkup

Pa paralajmërime dhe vlerësime optimiste ka përfunduar raundi i ri i bisedimeve midis përfaqësuesve të partive politike nënshkruese të Marrëveshjes “Përzhino” në rezidencën e ambasadorit evropian Aivo Orav, bën të ditur 24Vest, transmeton Telegrafi Maqedoni.

Pas pushimit një javësh prej kur bisedimet kanë qenë të ndërprerje, ndërsa dyshja e ambasadorëve Beyli-Orav kanë qenë jashtë vendit, në Përzhino sërish ka filluan takimet dypalëshe ndërsa sipas informatave jo zyrtare edhe takime në tryezë të përbashkët të negociuesve të OBRM-PDUK, LSDM, BDI dhe PDSH.

Jo zyrtarisht temat për të cilët akoma nuk ka zhvendosje pozicionesh janë mediat dhe Lista zgjedhore.

„Bisedimet vazhdojnë, shpresojmë të vazhdojmë së shpejti“, ka deklaruar shkurt ambasadori i BE, Aivo Orav. Ai nuk ka dhënë përgjigje në pyetjen nëse ka është optimizëm për arritjen e ndonjë marrëveshjeje.

Për Artan Grubin e BDI, përparimi është që përfaqësuesit janë ulë në tryezën e negociatave.

„Biseduam për listën zgjedhore dhe reformat në media, për datë të zgjedhjeve nuk është biseduar, kur do të ketë diçka konkrete do të jeni të njoftuar”, ka thënë Grubi.

Radmilla Sheqerinska nga LSDM ka porositur se opozita ka ardhur me propozime dhe iniciativa konkrete për çështjet kontestuese.

„Akoma nuk kemi arritur deri te data e zgjedhjeve dhe Qeveria kalimtare, fillimisht duhet të arrijmë marrëveshje për kushtet e zgjedhjeve, LSDM në vazhdimësi propozon iniciativa për tejkalimin e çështjeve kontestuese dhe kjo është e arritshme për një kohë të shpejtë, por nevojitet vullnet politik“, ka deklaruar Shekerinska.

Nikola Todorv nga OBRM-PDUKM dhe Imer Aliu nga PDSH iu janë shmangur kamerave, ndërsa në negociatat e sotme nuk ka qenë i pranishëm as ambasador i Baily, por një përfaqësues i kësaj ambasade./Telegrafi/