Operohet Henderson: Mungon mbi dy muaj – humb edhe ndeshjen ndaj Shqipërisë

Jordan Henderson do të mungojë së paku dy muaj me Liverpoolin, për shkak të dëmtimit që pësoi në derbin me Evertonin.

Klubi nga Merseyside e ka konfirmuar se kapiteni i “The Reds” nuk do të mund të rikthehet deri në muajin prill.

Krerët e klubit nuk kanë përcaktuar një datë të përafërt në lidhje me rikthimin e tij, por BBC Sport shkruan se Jordan Henderson mund të qëndrojë jashtë fushave të lojës për një periudhë nga 8 deri në 10 javë.

We can confirm Jordan Henderson has undergone a successful operation on the injury he sustained during Saturday’s Merseyside derby with Everton.

— Liverpool FC (@LFC) February 26, 2021

Mesfushori iu nënshtrua një ndërhyrjeje kirurgjikale dhe për këtë do të mungoë edhe në Kombëtare e Anglisë në disa ndeshje.

Bëhet fjalë për ndeshjet me San Marinon, Shqipërinë dhe Poloninë, respektivisht në datat 25, 28 dhe 31 mars.

Fillimisht ishte menduar se dëmtim do ta mbante kapitenin e Liverpoolit jashtë fushave të lojës deri në fundin e muajit mars, por më pas u kuptua shkalla e vërtetë e dëmtimit.

Jürgen Klopp is hopeful Jordan Henderson will return to action before the end of the season and feels he will still have an influential role to play during his rehabilitation 🙌

— Liverpool FC (@LFC) February 26, 2021

Ai do t’u bashkohet në këtë mënyrë emrave të tillë si Virgil van Dijk, Joel Matip, Joe Gomez dhe Fabinho që po vuajnë nga dëmtimet. /Telegrafi/