Onkologu Ilir Kurtishi sjell rrëfimin e një pacienti 20 vjeçar me tumor në testikuj

Është konsideruar ndër profesionistët më të mirë në fushën e mjekësisë që ka Kosova.

Onkologu Ilir Kurtishi ka qenë i ftuar në emisionin “Personale” me Krenare Vokshi-Shala në RTV Dukagjini.

Kurtishi i cili është edhe drejtor i Klinikës së Onkologjisë në QKUK gjatë punës së tij përballet me momente shumë të vështira pasi duhet kumtuar lajmi pacientëve për zhvillimin e tumoreve në trupin e tyre.

“Një djalë i ri 20-vjeçar është diagnostifikuar me tumor në testise. Ka qenë gjendje shumë e rëndë. Komunikimi i lajmit ishte shumë i vështirë. Ne komunikimin e japim në formën më të mirë të mundshme. Edhe pse ne e kemi obligim të komunikojmë lajmin, gjejmë një mënyrë shumë të butë që pacienti të pranojë atë”.

“Pacientit i kemi treguar se është një lloj tumori dhe ai ka nevojë për të marrë ilaçe. E kemi motivuar se ilaçet i duhen në mënyrë që nesër të mund të punojë dhe të flejë më mirë. Ai ka pranuar”.

Onkologu tregon se më pas gjatë marrjes së terapisë kanë dalë probleme me të riun.

Lexo po ashtu Meshkuj, keni kujdes: Këto janë simptomat e kancerit në penis dhe testikuj

“I kemi treguar se do të bien flokët dhe do të duket më ndryshe se zakonisht. Ai e ka pranuar këtë në fillim me një skepticizëm por ka vazhduar të nesërmen terapinë te ne. Jave a parë ishte tepër sfiduese për shkak të ekzaminimeve te organet poshtë. Ka pasur gjakderdhje nga goja sa që ai është lodhur duke refuzuar të merr terapinë. Ne e kemi zbutur terapinë duke shtyrë atë dhe ai ka vazhduar përsëri. Ai pacient sot i bën dy vjet nga ai diagnostifikim dhe për tre muaj terapi është shëruar dhe i është kthyer punës dhe shkollës”, deklaroi tutje Kurtishi./Telegrafi/