Oklahoma triumfon me rikthim fantastik ndaj Houstonit, Paul George i pandalshëm

Ndeshje e jashtëzakonshme është zhvilluar në Toyota Center të Houstonit.

Houston Rockets ishte nikoqir i Oklahoma City Thunder, ku në fund triumfuan mysafirët me pesë pikë diferencë 112:117.

Rockets në tre çerekët e parë ishin në epërsi, madje epërsia më e madhe e tyre shkoi në 26 pikë, por pa arritur ta mbajnë atë me sukses.

Paul George ishte më meritori për këtë fitore të Oklahomas me 45 pikë, tre asistime e 11 kërcime.

#PaulGeorge – 45 points. #RussellWestbrook – 9th consecutive triple double. #ThunderUp pic.twitter.com/gyqrsrgVQw

— OKC THUNDER (@okcthunder) February 10, 2019

Russell Westbrook ka vazhduar me ‘Triple-Double’, ku realizoi 21 pikë, 11 asistime e 12 kërcime, ndërsa Dennis Schroder shtoi 17 pikë të tjera.

Për Houstonin më efikasi ishte si gjithnjë James Harden me 42 pikë.

Epërsi të lartë pati edhe Boston Celtics prej 28 pikëve ndaj Los Angeles Clippers, por në fund pësuan humbje 112:123.

Harrell me 21 pikë dhe Gallinari me 19 të tjera ishin më efikasit tek Clippers. /Telegrafi/

Rezultatet:

Utah – San Antonio Spurs 125:105

Indiana Pacers – Cleveland Cavaliers 105:90

New York Knicks – Toronto Raptors 99:104

Atlanta Hawks – Charlotte Hornets 120:129

Memphis Grizzlies – New Orlens Pelicans 99:90

Boston Celtics – LA Clippers 112:123

Chicago Bulls – Washington Wizards 125:134

Houston Rockets – Oklahoma City Thunder 112:117

Milwaukee Bucks – Orlando Magic 83:103