Nxirret trupi nga rrënojat e aeroplanit që bartte Emiliano Salan dhe David Ibbotsonin, nuk dihet ende i kujt është

Një trup është gjetur në rrënojat e aeroplanit që u rrëzua me sulmuesin e Cardiff Cityt, Emiliano Salan dhe pilotin David Ibbotson që ishin në bord, ka konfirmuar Dega e Hetimeve të Aksidenteve Ajrore (AAIB).

Aeroplani u gjet në shtratin e detit të English Channel (La Manche) të dielën në mëngjes, por kushtet e këqija penguan operacionin e largimit të trupit.

Lexo po ashtu Të gjitha lajmet për Emiliano Sala

“Pas një ekzaminimi të gjerë vizual të vendndodhjes së aksidentit duke përdorur mjetin me telekomandë (ROV), u vendos që të bëhej përpjekje përsëri”.

“Në kushte të vështira, AAIB dhe kontraktorët e specializuar gjetën me sukses trupin e parë nën rrënoja. Operacioni u krye në mënyrë dinjitoze dhe familjet janë informuar për progresin”.

Lexo po ashtu Hetuesi kryesor e konfirmon se një trup është gjetur nën rrënojat e aeroplanit të Sala, por nuk është identifikuar

“Për fat të keq, përpjekjet për të rimarrë rrënojat e aeroplanit ishin të pasuksesshme ku kushtet e këqija të motit na detyruan ta kthejmë ROV në anije”.

“Trupi aktualisht është në Portland dhe do të kalojë nën kujdesin e mjekut ligjor në Dorset”, thuhet në njoftimin e AAIB.

Lexo po ashtu Nantes e kërcënon me veprimin ligjor Cardiff Cityn për transferimin e Emiliano Salas dhe shumën e 15 milionë funteve

Aeroplani u zhduk më 21 janar kur Sala fluturonte nga Nantes në Cardiff, pak ditë pasi e kishte përfunduar transferim të klubi i Ligës Premier. /Telegrafi/