Nxënësit maqedonas të gjimnazit të Tetovës vazhdojnë bojkotin e procesit mësimor

Nxënësit maqedona të gjimnazit ”Kiril Pejçinoviq” të Tetovës vazhdojnë që të bojkotojnë procesin mësimor. Këshilli i prindërve e ka refuztuar propozimin e kryetres së komunës së Tetovës, Teuta Arifi, që nxënësit t’i kthehen objektit të Universitetit të punëtorëve, për të ndjekur mësimin, deri sa të gjendet një zgjidhje tjetër, përcjell Telegrafi Maqedoni.

Këshilli i prindërve këmbëngul që mësimi në objektin kryesor të gjimnazit të Tetovës të bëhet në tre ndërrime, që të përfshihen edhe nxënësit maqedonas aty, por kryetarja Arifi thotë se një gjë e këtillë është e palejueshme me ligj. Arifi bën të ditur se ky propozim do të dërgohet për shqyrtim në qeveri.

Lexo po ashtu Procesi mësimor në Gjimnazin e Tetovës vazhdon me dy ndërrime, tërhiqet vendimi!

Përndryshe, nxënësit maqedonas protestuan në ditën e parë të vitit të ri shkollor, për të kërkuar zgjidhje për objektin ku do të duhej të ndjekin procesin mësimor. Tre ndërrimet mësimore u refuzuan nga mësimdhënësit shqiptarë të gjimnazit, me arsyetimin se shkelet ligji. Kjo bëri që kjo zgjidhje të tërhiqet./Telegrafi/