Nxënësit autik ishin mbyllur dhe abuzuar në “dhomat e qetësimit” në Londër – publikohen pamjet e kamerave të sigurisë

Pamjet e kamerave të sigurisë që filmuan brenda një shkolle në Londër ka arritur t’i sigurojë BBC, ku shihen nxënësit autik të mbyllur në një dhomë, të hedhur në dysheme, që kapen për qafe dhe lihen vetëm.

Pamjet vijnë nga shkolla Whitefield në verilindje të Londrës ku “torturoheshin” nxënësit, tha një ekspert i fushës për BBC.

Me këtë është shfaqur për herë të parë realiteti me të cilin ballafaqohen nxënësit atje, transmeton Telegrafi.

Policia britanike ka njoftuar se ka filluar hetime bazuar në publikimin e pamjeve të kamerave të sigurisë, ku nxënësit ishin “futur në dhomën e qetësimit” midis viteve 2014 dhe 2017.

Prindërit e nxënësve thonë se kanë mbetur të traumatizuar me atë çfarë kanë parë, kurse menaxhmenti i ri i shkollës njoftoi se kishte gjetur pamjet dhe ia kishte dorëzuar policisë.

Rreth 40 nxënës me vështirë në mësimnxënie dhe çrregullime të ndryshme mendore, janë mbyllur për ora të tëra në këto dhoma – duke i lënë pa ujë e ushqim.

Familjarët e gjashtë prej tyre janë pajtuar t’ia tregojnë pamjet BBC-së. Ata deshën të zbulohet shkalla e traumës që fëmijët e tyre e kanë pësuar. /Telegrafi/

3 years ago I began investigating abuse in so-called calming rooms at Whitefield special school – after 500 hours of CCTV was discovered

Now I’ve obtained the footage – children are pushed into rooms, pinned up against walls with rugby pads and left in vomit pic.twitter.com/WnuRwlO2rK

— Noel Titheradge (@NoelTitheradge) November 26, 2024