Numër rekord i grave garojnë për Dhomën e Përfaqësuesve të SHBA-ve

Një numër rekord i grave do të garojnë për Dhomën e Përfaqësuesve në zgjedhjet e nëntorit, tha Qendra Amerikane për Gratë në Politikë (CAWP).

Deri më tani, “243 gra kanë kandiduar për një vend në Dhomën e Përfaqësuesve” në zgjedhjet presidenciale amerikane të 3 nëntorit, një “rekord i ri”, njofton CAWP, pjesë e Universitetit Rutgers.

“Rekordi i fundit u arrit në vitin 2018, kur garuan 234 gra”, shtuan ata, duke vënë në dukje se numri “mund të rritet” sepse zgjedhjet pararendëse ende nuk janë mbajtur në 13 shtete federale, shkruan yahoonews, transmeton Telegrafi.

Është interesante se deri më tani 74 republikane kanë garuar në zgjedhjet e nëntorit, dhe rekordi i tyre i mëparshëm, i cili ishte shumë më i dobët (53 kandidatë), daton në vitin 2004.

Ndër demokratët, 169 kanë kandiduar deri më tani, pak më pak se në vitin 2018, kur ishte një numër rekord prej 182.

Në muajin të vitit të kaluar, një numër rekord i grave dhe ligjvënësve të pakicave kanë hyrë në Kongres, duke garuar në zgjedhjet afatmesme të nëntorit të vitit 2018. Kjo erdhi pas një viti të shënuar nga lëvizja #MeToo dhe mosbesimi ndaj Presidentit, Donald Trump. /Telegrafi/