Nuk ka rritje të fluksit të migrantëve në Gjevgjeli

Pasi më shumë se 24.000 migrantë u përpoqën të kalonin kufirin Greko-Turk në lumin Marica gjatë fundjavës dhe një ditë më parë, autoritetet e Maqedonisë sigurojnë se nuk ka rritje të numrit të migrantëve në kufirin jugor dhe u bëri thirrje mediave të mos përhapin lajme të rreme për krizën e migrantëve.

Autoritetet shtetërore monitorojnë ato që po ndodhin në kufirin jugor çdo ditë. Organi i ri i koordinimit të shërbimit gjithashtu është aktivizuar më par[, dhe që dy ditë më parë kontingjenti kufitar është rritur për 10 deri në 15 herë.

Presidenti i Maqedonisë së Veriut Stevo Pendarovski dje gjatë vizitës së djeshme të pjesëtarëve të ushtrisë në Gjevgjeli, tha se nuk ka ndonjë rritje të numrit të migrantëve në kufirin jugor.

“Ne jemi pjesë e një gamë të gjerë vendesh që duhet të përgatiten, edhe si një vend transit. Përvoja e 2015 dhe 2016 është e madhe dhe e vlefshme në këtë drejtim, kështu që nuk pres që ne të befasohemi, edhe nëse ka një fluks të mundshëm të refugjatëve në periudhën e ardhshme”, tha Pendarovski.

Edhe kryeministri teknik, Oliver Spasovski dje informoi se deri më tani nuk ka refugjatë të cilët lëvizin nga Greqia për në vendin tonë. Ai tha për çdo rast institucionet tona janë të gatshme që të ballafaqohen me fluksin eventual të migrantëve./Telegrafi/