“Nuk e di sa kohë do të qëndroj këtu”, Benzema flet për kontratën e me Real Madridin

Sulmuesi i Real Madridit , Karim Benzema këmbëngul se është plotësisht i përkushtuar ndaj klubit edhe pse i ka të numëruar muajt në kontratën e tij.

Benzema është marrë në pyetje për angazhimin e tij në Madrid, duke pasur parasysh polemika me të cilën ai u largua nga skuadra e Francës.

Por, sulmuesi nuk ishte në humor për t’i parë këto thashetheme të rriteshin, duke afirmuar plotësisht marrëdhënien e tij me klubin.

🔴 LIVE: Listen to @Benzema's press conference ahead of the Spanish Super Cup final!#SuperSupercopa https://t.co/AhiSPeagxF

— Real Madrid C.F. 🇬🇧🇺🇸 (@realmadriden) January 14, 2023

“Unë e di se çfarë kam bërë dhe çfarë do të thotë Real Madrid për mua. Doja të luaja çdo ndeshje, por u lëndova. Më duhej kohë për t’u rikuperuar”, ka thënë fillimisht Benzema.

Megjithatë, ai ishte pak më i çuditshëm kur ishte fjala për kontratën e tij, e cila do të mbarojë në verë:

“Unë jam këtu, në Madrid, më pëlqen çdo seancë stërvitore, më pëlqen çdo vit. Nuk e di sa kohë do të jem këtu, por kënaqem çdo ditë. Jam në Madrid, të flasësh për kontratën është një temë tjetër”.

😍 EXCELENTE DUO ✌ pic.twitter.com/zovSudW5cq

— Real Madrid C.F. (@realmadrid) January 14, 2023

“Jam kthyer nga lëndimi dhe kam punuar shumë për t’u rikthyer në nivelin tim më të mirë. Dua të marr topin, të shënoj dhe të asistoj dhe ndihem sikur jam kthyer. Shpresoj që të vazhdoj t’i ndihmoj shokët e skuadrës”.

“Ndihem mirë si mendërisht ashtu edhe fizikisht. Viti i kaluar ishte një vit shumë i rëndësishëm për mua, por më pas pata lëndime të ndryshme dhe u desh kohë të kthehesha, por tani jam në rrugën e duhur. Ndjehem mire”, përfundoi francezi. /Telegrafi/