Atdhe Nuhiu ka vazhduar formën e mirë në kampionatin anglez me Sheffield Wednesday.
Sulmuesi i Përfaqësueses së Kosovës është bërë titullar i padiskutueshëm tek klubi bardh e kaltër.
Në ndeshjen ndaj Leeds United, Nuhiu ka qenë vendimtar për skuadrën e tij pasi i ka siguruar tri pikët falët dy golave të shënuar.
Fillimisht sulmuesi nga Kosova shënoi pas një intervenimi të dobët të portierit vendas në minutën e 71-të për 0-1.
Leeds United barazoi rezultatin katër minuta para fundit të ndeshjes me anë të Grot.
Por krejt në fund, Nuhiu fitoi një top ndaj mbrojtësve vendas dhe doli përballë portierit duke e mposhtur lehtësisht për 1-2.
Fitorja e ngritë Sheffieldin në pozitën e 17 në Championshipin anglez me 41 pikë të grumbulluara.
Ndërkohë dy golat ndaj Leedsit kanë bërë që Nuhiu të shkoj në kuotën e katër golave në kampionat ku ka edhe tre asistime. /Telegrafi/
