Njohja e avokatëve kosovarë në Gjermani, ambasadori Rohde e bën një sqarim

Ambasadori gjerman në Kosovë, Jorn Rohde, e ka bërë një sqarim lidhur me njohjen e avokatëve të licencuar të Kosovës nga Gjermania.

Ambasadori ka thënë se avokatët kosovarë duhet të kenë një diplomë përkatëse dhe se ky kusht, mbetet për përfaqësimin e klientëve në gjykatat gjermane.

“Sqarim për shkrimin tim më poshtë: Përderisa avokatëve kosovarë u lejohet që të punojnë në Gjermani, praktikimi i ligjit gjerman bën të nevojshme një diplomë përkatëse. Ky kusht mbetet për përfaqësim të klientëve në gjykata gjermane. Përditësimi ka të bëjë vetëm me aktivitetet jashtëshkollore të avokatëve, duke përjashtuar procedurat gjyqësore”, tha ai.

Lexo po ashtu Gjermania zyrtarisht njeh avokatët e licencuar të Kosovës, Rohde: Një hap i rëndësishëm përpara

Ndryshe, ambasadori i Kosovës në Gjermani, Faruk Ajeti, të enjten kishte thënë se avokatët nga Republika e Kosovës tashmë njihen zyrtarisht nga Gjermania.

Në një shkrim në Facebook, ai tha se avokatët e licencuar nga Republika e Kosovës do të mund të ushtrojnë funksionin e tyre edhe në Republikën Federale të Gjermanisë.

“Kjo është një arritje e jashtëzakonshme jo vetëm për marrëdhëniet e shkëlqyera ndërmjet dy shteteve tona, por edhe për drejtësinë kosovare”, u shpreh ai.

Tutje tha se të njohur nga një vend i rëndësishëm si Gjermania, avokatët kosovarë, mund të përfshihen më lehtë në raste ndërkombëtare dhe të ofrojnë ekspertizën e tyre në çështje juridike.

Clarifying my tweet below: While ??lawyers are permitted to work in ??, practicing ?? law necessitates a relevant degree. This condition remains for representing clients in ?? courts. The update pertains solely to extracurricular activities of lawyers, excluding court proceedings https://t.co/iexl17rYqV

— Ambassador Jörn Rohde (@GermanAmbKOS) August 12, 2023