Disa turistë kanë mbetur të habitur dhe “janë ankuar” për madhësinë e “shtëpisë më të vogël” në Britani.
Ndonëse ajo ka një emër të tillë, disa vizitorë kanë thënë se ishte 'shumë e vogël' për ta dhe thanë se ishin të tronditur kur gjetën një 'shtëpi kaq shumë të vogël'.
Sipas mediave britanike, përcjell Telegrafi, rreth 55,000 njerëz ia mësyjnë çdo vit atraksionit të quajtur Shtëpia më e Vogël në Conwy, në Uellsin verior.
Por kjo nuk do të thotë që çdo vizitor ka dalë nga aty i kënaqur, me të tjerët që gjithashtu ankohen për mungesën e objekteve dhe turne të gjera në pikën kryesore turistike.
Derisa disa kanë shprehur “shqetësimin” për numrin e njerëzve që mund të akomodohen aty – 182 centimetra e gjerë dhe rreth 3 metra e lartë – të tjerë janë shprehur të zhgënjyer nga mungesa e një "kuzhine apo banje".
Një tjetër ishte i sigurt se askush nuk kishte jetuar ndonjëherë atje ndërkohë që një person u ankua se nuk kishte “hapësirë të mjaftueshme për t'u kthyer”. /Telegrafi/
