Një tjetër Strakosha mbron Shqipërinë, historia e djalit që imiton të atin (Foto)

Thomas Strakosha me shumë mundësi do të jetë titullar në ndeshjen ndaj Italisë, dhe për këtë janë të bindura dhe mediat italiane me në krye “La Gazzeta dello Sport” që i ka dedikuar një shkrim portierit të Lazios dhe historisë së tij fantastike.

Shqiptarët duhet të kthehen pas 20 vite kur një tjetër Strakosha mbronte për herë të parë portën e kombëtares shqiptare. Mitiku Foto Strakosha, ishte një personazh shumë interesant, përveç s enjë portier i shkëlqyer. Ai ishte pioner i futbollit shqiptar jashtë vendit, sepse shumë si kërkonin fatin e tyre në vend të ndryshme të Europës pas viteve 90.

Gjithsesi lidhjet me atdheun nuk u ndërprenë, por mbetën edhe më të forta, teksa ka zhvilluar 73 ndeshje me kombëtaren nga viti 1990-2005, i gjashti me më shumë prezenca te kuqezinjtë, raporton Albeu.

Historia e Strakoshës rinis të premten, kur djali i Fotos, Thomas (22 vjeç, mbush të dielën) do të mbrojë për herë të parë portën e Shqipërisë. Portieri i Lazios do ta fillojë ndaj vendit në të cilin është rritur profesionalisht.

Një histori e pabesueshme, që jo vetëm për shkak të talentit të tij, por dhe të rrethanave, që e bëjnë atë një lojtar me një të ardhme të madhe.

Thomas është rritur në akademinë e Lazios me Simeone Inzaghin si trajner, duke fituar dhe një kampionat dhe një kupë italiane me të rinjtë. Më pas erdhi kalimi në skuadrën e parë fillimisht si portier i tretë, më pas i dytë, dhe tashmë i parë.

Në 15 ndeshje që e ka nisur ndeshjen si titullar në kampionat dhe në kupë, Strakosha 7 herë e ka mbyllur ndeshjen me rrjetë të paprekur, duke pësuar deri më tani vetëm 10 gola, me një mesatare 0.66 gola për ndeshje.

Me të në fushë Lazio ka arritur 11 fitore, 2 barazime dhe dy humbje.