“Një burg lundrues” – karantina në det të hapur me dhjetëra njerëz të prekur me virusin vdekjeprurës

Mijëra njerëz kanë parë pushimet e tyre të ëndrrave në një anije lundrimi të kthehen në një makth të vërtetë për shkak të shpërthimit të coronavirusit, i cili detyroi anijen të kthehet në karantinë pas zbulimit se të paktën 20 persona në bord janë të infektuar.

Anija në bregdetin e Yokohama (në jug të Tokios) ka 2.666 pasagjerë dhe 1.045 ekuipazh që nuk mund të zbresin nga anija dhe duhet të kufizohen në dhomat e saj të ngushta. Kjo mbyllje ka të ngjarë të zgjasë të paktën dy javë.

Pas zbulimit fillestar të 10 rasteve, këtë të enjte autoritetet japoneze konfirmuan që edhe 10 pasagjerë të tjerë ishin infektuar, ndërsa ata vazhdojnë të kryejnë analizat: ende ka mijëra njerëz në bord pa diagnoza, kështu që shifra mund të rritet ndjeshëm në mesin e individëve që nuk tregojnë simptoma akoma. Të infektuarit e rinj janë katër japonezë, dy amerikanë, dy kanadezë, një nga Zelanda e Re dhe një nga Tajvani, transmeton Telegrafi.

” Nuk do të jetë një lundrim luksoz; do të jetë si një burg lundrues”, tha David Abel, pasi ishte duke festuar 50 vjetorin e dasmës së tij. “Është një situatë e tmerrshme për shumicën e pasagjerëve, të ngecur këtu, të mbyllur në kabinën. Nuk na lejohet të dalim nga dhoma”, tha ai.

“Do të jetë e vështirë me ushqimin qe e kemi me racione dhe pa alkool”, vazhdoi ai tutje.

Sipas operatorit të lundrimit, Princess Cruises, gjysma e 2,666 pasagjerëve të “Diamond Princess” janë japonezë.

“Deri të martën, ju mund të kaloni kohë në hapësirat e përbashkëta dhe të bëni aktivitete, të tilla si të luani pingpong. Por që nga sot në mëngjes, nuk na lejohet të largohemi nga dhomat tona”, tha një pasagjer japonez për televizionin NHK .

“Unë u përpoqa të shkoj në restorant në mëngjes, por ata më thanë:” Ju lutemi hani në dhomën tuaj.

Australianët Paul dhe Coralie Williamson thanë që kabina e tyre ishte më e vogël se një dhomë në motel dhe se ata kishin dëgjuar ankesa nga të tjerët për mungesën e ilaçeve ose informacionit të mjaftueshëm.

Epidemia bëri që Organizata Botërore e Shëndetit (OBSH) të shpallë një emergjencë globale shëndetësore. /Telegrafi/