Njësitet policore kanë arrestuar një person në pikën kufitare në Vërmicë.
Gjatë një kontrolli të veturës së tij, janë gjetur dhe sekuestruar një pushkë automatike me 3 karikatorë dhe 68 copa municion, një pistoletë me karikator me 20 fishekë, një pushkë ajrore me 10 fishekë, dy thika, një palë rroba ushtarake pa emblema, një maskë ushtarake dhe një çantë ushtarake.
Me vendim të prokurorit, pas intervistimit, i dyshuari është dërguar në mbajtje, ndërsa rasti vazhdon të hetohet nga autoritetet përkatëse./Telegrafi/
