Një ambient super luksoz i shtohet aeroportit të Prishtinës ‘Adem Jashari’

Aeroportit të Prishtinës ‘Adem Jashari’ i shtohen hapësira të reja super luksoze për udhëtarët e këtij aeroporti. Është fjala për Airline Coffee & More, restauranti dhe bari më i ri që po i shtohet këtij aeroporti në seksionin e Nisjeve apo ‘Departures’.

Ideja mbrapa këtij projekti qëndron tek nevoja e ofrimit të një shërbimi më cilësor, me ambiente më të rehatshme dhe shumëllojshmëri të ushqimeve për udhëtarët e shumtë të këtij aeroporti.

Restauranti/Bari i ri ofron hapësira pune, kolektivi, familjare, si dhe private, për të akomoduar nevojat dhe preferencat e të gjithë udhëtarëve. I hapur në zemrën e ‘Nisjeve’, Airline Coffee & More është një nga pikat më atraktive në aeroport për të kaluar kohën gjatë pritjes së udhëtimit.

Kujdes i veçantë iu është kushtuar menu-së me receta të reja dhe të shëndetshme, duke filluar nga sallatat e deri tek pjatat kryesore dhe ëmbëlsirat, të cilat mund të shijohen në interierin modern, komod dhe plot ngjyra. E gjithë kjo për t’iu siguruar udhëtarëve një nisje sa më të këndshme drejt destinacioneve të planifikuara.

Përkundër ambientit luksoz, çmimet janë tejet konkurruese dhe të arsyeshme për klientët.

Airline Coffee & More, i hapur 24/7, ofron qasje direkte të informatave për fluturimet dhe portat e nisjes, kështu, duke makzimizuar kohën e udhëtarëve në ambiente të këndshme dhe duke u bërë miku më i mirë i udhëtimeve.