Ngjarja e vitit në Kroaci: Më shumë se 6000 kroatë duan të shkojnë te Kristina, për të blerë mandarina

Më shumë se 2400 njerëz kanë konfirmuar mbërritjen e tyre, dhe 4100 janë të interesuar për të shkuar atje, disa madje edhe në mënyrë të organizuar – me autobusë.

Koha e planifikuar e ekskursionit është 5 dhe 6 tetor, dhe lokacioni është një stendë në Bestovo, ku bukuroshja tërheqëse Kristina Penava shet mandarina, shkruajnë mediat kroate, përcjell Telegrafi.

Ekskursioni i organizuar, sipas Index.hr, përkatësisht kjo ngjarje është bërë “ngjarja e vitit në Kroaci”.

Dhe nga ata që kanë planifikuar të shkojnë të organizuar, ka të tillë që janë të shqetësuar nëse do të mund ta bëjnë një gjë të tillë.

“Disi nuk më duket se do të ketë mjaftueshëm autobusë”, shprehet një udhëtar.

Siç shkruan mediumi kroat Index.hr, bëhet fjalë për një vajzë, fama e së cilës madje ka kaluar edhe kufijtë e Kroacisë.

Pasi që fotografitë e saj filluan të përhapen në mediat sociale së bashku me frutat, Kristina u bë shitësja më e famshme kroate, dhe padyshim që numri i ndjekësve të saj në Instagram, ku poston foto të nxehta, do të rritet në mënyrë drastike. /Telegrafi/