Nga Mbappe te Messi e Giroud – renditja e golashënuesve në Kupën e Botës

Kanë mbetur vetëm edhe katër ndeshje deri në fund të Kampionatit Botëror, dy gjysmëfinale, finalja dhe ndeshja për vendin e tretë.

Kur kemi ardhur në fazën finale, tani është bërë interesante edhe lufta për golashënuesin më të mirë të Kampionatit Botëror ‘Katar 2022’.

Ylli francez, Kylian Mbappe vazhdon të qëndroj në krye të listës së golashënuesve deri më tani me pesë gola të shënuar.

Mbappe ndiqet nga futbollisti më i mirë në histori të futbollit Lionel Messi që ka katër gola, derisa numër të njëjtë të golave sa argjentinasi ka edhe Olivier Giroud.

Interesant fakti është se shtatë futbollistë që kanë shënuar nga tre gola deri më tani asnjë nuk është më në garë për trofeun. Alvaro Morata, Goncalo Ramos, Cody Gakpo, Marcus Rashford, Bukayo Saka dhe Enner Valencia kanë realizuar deri më tani nga tre gola.

Gjithsesi gara duket se do të zhvillohet mes Kylian Mbappes, Lionel Messit dhe Olivier Giroud që deri më tani janë favoritët për ta fituar çmimin e golashënuesit më të mirë në ‘Katar 2022’.

Renditja e top shënuesve në ‘Katar 2022’:

Kylian Mbappe (Francë)  – 5 gola

Lionel Messi (Argjentinë), Olivier Giroud (Francë) – 4 gola

Alvaro Morata (Spanjë), Gonçalo Ramos (Portugali), Cody Gakpo (Holandë), Marcus Rashford dhe Bukayo Saka (Angli), Richarlison (Brazil), Valencia (Ekuador) – 3 gola

/Telegrafi/