Nga dita e hënë hapet tenderi për dhënien e vendeve shtetërore për kompanitë që prodhojnë rrymë nga dielli

Tenderi i parë për dhënien e vendeve shtetërore për ndërtimin e fotovoltaikës do të shpallet të hënën. Disa javë më vonë do të shpallet tenderi për ndërtimin e fotovoltaikës në sipërfaqe private, njoftoi sot zv. kryeministri për Çështje Ekonomike, Koço Angjushev.

Tenderi do të jepet për sipërfaqet në dy lokacione. Njëra është në Makedonski Brod ku do të ofrohet prodhimi prej 10 MW dhe tjetri në Sveti Nikollë, ku do të sigurohen 25 megavat. Ose në total prej 35 MW impiantesh fotovoltaike.

Shteti, siç tha Angjushev, tashmë ka siguruar të gjitha procedurat administrative të nevojshme për ndërtimin e fotovoltaikës dhe urbanizimin e tokës. Parcelat janë bërë ashtu që të ketë qendra më të mëdha dhe më të vogël diellore, në varësi të interesit të investitorëve.

“Kriteret nuk janë shumë të vështira, ndërsa do të ketë edhe ofertë negative. Investitori i cili do të japë çmimin më të ulët, pra premia më e ulët do të mund të ndërtojë fotovoltaikë. Unë pres që çmimi të jetë sa më i ulët që të jetë e mundur në mënyrë që shteti të mos ketë kosto shtesë në këtë proces. Nuk është mirë që të mos ketë një çmim. Investitorët që do të marrin vendet do të duhet të përgatisin një projekt të përpunuar dhe themelor për të marrë leje ndërtimi që duhet të marrin në emër të tyre”, tha Angjushev./Telegrafi/