Nga 1 prilli mega spektakli i Elita Rudit në RTV Dukagjini në bashkëpunim me Telegrafin (Video)

Moderatorja e njohur Elita Rudi ka pak kohë që ka ‘braktisur’ destinacionin e saj të vjetër Tribuna Channel, në të cilin transmetonte emisionin e saj “Elite Zone”.

E ftuar në emisionin “Reload” në RTV Dukagjini, televizon i cili tani e tutje do të jetë ‘shtëpia’ e këngëtares për projektet e reja, ka rrëfyer në detaje planet për spektaklin e ri televiziv, që mendon ta realizojë në këtë televizion.

Ndonëse realizimi i një spektakli në Kosovë është mjaft punë e vështirë, kjo duket se nuk po e pengon aspak moderatoren shqiptare, madje ka besim të plot tek vetja.

Elita ka treguar se spektakli i saj i ri do të jetë argëtues për publikun, dhe do të qëndroj pak më larg showbizit, ngase shumë emisione kanë filluar ta bëjnë këtë gjë, dhe kjo ka kaluar në monotoni.

Ajo gjithashtu ka bërë të ditur se do tu japë më shumë hapësirë artistëve të rinj, dhe në spektaklin e ri nuk do të mungojnë humanizmi, apo reflektimi nga aksionet humanitare.

Mbetet të shihet se cilat do të jenë befasitë që do të rezerrvojë spektakli më i ri i moderatores Rudi në RTV Dukagjini. /Telegrafi/

https://www.youtube.com/watch?v=gQgnAHZ0BHQ&feature=youtu.be