Neymar ‘çmendet’ plotësisht pas driblimit poshtërues të Amine Gouiri në humbjen befasuese të PSG-së ndaj Nice

Superylli  i Paris Saint-Germain, Neymar  u ‘shkatërrua’ nga Amine Gouiri pasi sulmuesi i Nices bëri një lëvizje me aftësi sfilateje në fund të ndeshjes së mbrëmshme (e shtunë).

Djemtë e Mauricio Pochettino udhëtuan për në Allianz Riviera të shtunën për ndeshjen e tyre në Ligue 1, me Nice që shkaktoi një tronditje duke e mposhtur 1-0 klubin me bazë në Paris.

Andy Delort doli nga bankina në pjesën e dytë për Nice dhe shënoi golin e fitores pak minuta para kohës së përfundimit.

Lexo po ashtu PSG pëson nga Nice, vendos një gol në fund i Delort

Calvin Stengs krosoi drejt sulmuesit 30-vjeçar të Nice, i cili mundi një Keylor Navas të pafuqishëm duke shënuar golin e fitores.

Në minutat shtesë, Gouiri e mori topin për të humbur kohë dhe u nis drejt flamurit të këndit përpara se gjyqtari të vërshëllej përfundimin e ndeshjes.

Pas vërshëllimës së gjyqtarit, sulmuesi 22-vjeçar francez u pa duke bërë një driblim në forme përulje ndërsa turma brenda Allianz Riviera shpërtheu pas fitores së Nice.

Megjithatë, këtë veprim të Gouiri nuk e priti aspak mirë ylli brazilian, Neymar, i cili e shtyu menjëherë francezin pas sfilatës së tij të vogël, përpara se gjyqtari anësor të futej menjëherë mes dyshes për të zbutur me shpejtësi incidentin. /Telegrafi/

Gouiri got Neymar triggered lol pic.twitter.com/bYJAglQXkt

— A (@ItsAhmedIndeed) March 5, 2022