Nevzat Bejta: Le të vijnë dhe le të verifikojnë. Unë nuk do të heshti (Video)

Prokuroria e krimit të organizuar dhe korrupsionit nuk jep detaje se për çfarë keqpërdorimesh dyshohet kryetari i Gostivarit, Nevzat Bejta, që ishte cak i ”vizitës” së Policisë financiare, përcjell Telegrafi Maqedoni.

Prokuroria në fjalë pohon për 24Vesti se për momentin janë duke u kryer hetime, duke shtuar se për shkak të fshehtësisë së procedurës parahetimore, nuk japin informacione tjera.

Ndërkaq, kryetari Bejta ka deklaruar për këtë televizion se bëhet fjalë për rast të montuar nga OBRM-PDUKM-ja për shkak të kundërshtimit të tij të hapur për koalicion të Ahmetit me Gruevskin.

”Erdhën në mënyrë jonjerëzore në kontrollë, nuk kërkuan asgjë, erdhën vetëm sikur të më porositin që ta mbyll gojën. Unë nuk kam shantazhuar askë, le të vijnë dhe le të verifikojnë. Unë nuk do të heshti”, shprehet Bejta për 24Vesti.

Mendohet se objekt hetimi është ndërtimi i rrugës ndërmjet Tumçovishtit dhe Çegranit, që ka kushtuar 80 mijë euro, rrugë e inauguruar nga Gruevski dhe Bejta./Telegrafi/