Shumica prej nesh kemi tendenca të mendojmë se këto simptoma janë pasojë e punës së tepërt.
Por, faktikisht këto simptoma mund të shkaktohen edhe nga nivelet e ulëta të magnezit dhe vitaminës K në trup, transmeton Telegrafi.
Magnezi
Magnezi përfshihet në të paktën 300 reaksione të ndryshme kimike në trup. Ai ndihmon në konvertimin e ushqimit në energji dhe krijon proteina të reja nga amino acidet.
Kështu magnezi përdoret për ta lehtësuar ankthin, stresin dhe për ta luftuar lodhjen.
Magnezi mund t’i parandalojë edhe dhimbjet e shpeshta të kokës dhe të ndihmojë në trajtimin e migrenës. Mungesa e kësaj vitamine ndikon në zvogëlimin e niveleve të serotoninës, i ngushton enët e gjakut dhe ndikon në funksionin e neurotransmetuesve.
Madje, sipas ekspertëve, nivelet e ulëta të magnezit mund të shpijnë në depresion dhe pagjumësi.
Mundohuni ta merrni sasinë adekuate të magnezit duke konsumuar ushqime si spinaqi, arrat, orizi i kaftë, peshku, mishi, avokado, etj.
Vitamina K
Vitamina K i sintetizon proteinat të cilat janë esenciale për ndaljen e gjakderdhjes dhe formimin e bllokadave në gjak. Mungesa e kësaj vitamine shpie në gërvishtje apo gjakderdhje të tepërta.
Përfitimet tjera të vitaminës K përfshijnë zvogëlimin e rrezikut të sëmundjes së Alzheimerit, parandalimit të kancerit në prostatë, gëlqerëzimit të artereve, etj.
Vitamina K po ashtu bashkëpunon me vitaminën D për ta shpirë kalciumin në eshtra dhe për ta ndihmuar t’i forcojë eshtrat.
Për të marrë sasi adekuate të vitaminës K, ju duhet të konsumoni kale, spinaq, qepë, lakra Brukseli, brokoli, lakër, asparagus, vaj ulliri, pemë të thara, etj. /Telegrafi/
