Nëntë sjellje që tregojnë se ai s’ka ndër mend të martohet me ty

Nëse je dikush që dëshiron të martohesh, është e qartë se e ke vënë në dyshim nëse i dashuri yt do të të propozojë ose jo

Shumë zonjusha mund të rrinë duke pritur për propozimin që nuk vjen kurrë, gjë që jo vetëm është shqetësuese sepse do të thotë se mund të humbësh potencialisht një djalë tjetër më të mirë, por është gjithashtu shumë irrituese të mendosh për vitet që ke humbur me një person që nuk dëshiron të martohet me ty.

Nëse nuk dëshiron që kjo të të ndodhë, njihu me këto shenja treguese se të dashurit tënd as që i shkon ndër mend të ulet në një gju për ty. Por mbaj në mendje: është e padrejtë t’i vlerësosh këto shenja për një djalë me të cilin je e lidhur prej vetëm një ose dy muajsh.

Këtu janë sjelljet që ekspozojnë një burrë që nuk dëshiron të martohet me ty:

1. Shmang pjesëmarrjen nëpër dasmat e të tjerëve

Kur një burrë mezi pret martesën e tij, ai patjetër do të bëhet shumë i emocionuar për të marrë pjesë në dasma dhe do të dëshirojë që ti ta shoqërosh. Nëse partneri yt urren të shkojë në dasmat e të tjerëve, kjo është një shenjë e mirë se ai nuk është gati për të tijën, shkruan Your Tango.

2. S’flet kurrë për martesë

Nëse hap temën e martesës dhe ai e ndryshon temën sa më shpejt që të jetë e mundur, martesa nuk është në mendjen e tij. Nëse ai ka një neveri ndaj martesës, ai në mënyrë të moderuar të bën të ditur se martesa ndoshta nuk është pjesë e planit të tij në të ardhmen.

3. Refuzon të bëjë plane afatgjata

Nëse i dashuri yt bën plane vetëm për një periudhë të menjëhershme ose afatshkurtër, martesa ka të ngjarë të mos jetë prioritet për të. Ndoshta ai është gjithmonë gati të bëjë një takim për këtë javë ose fundjavë, por rrallë angazhohet për të ardhmen e largët. Nëse ai heziton të bëjë plane pas gjashtë muajsh, e ardhmja juaj së bashku mund të mos jetë e sigurt.

4. Gjithmonë ka një justifikim për çdo gjë

Burrat janë krijesa të thjeshta. Kur ata duan diçka, ti do ta dish. Nëse ai vazhdimisht justifikon martesën ose të ardhmen, është koha të kuptosh se diçka nuk shkon.

5. Të thotë ‘Po mirë jemi kështu siç jemi’

“Po çfarë do ndryshojë fejesa apo martesa?!” është diçka që ti nuk e dëgjon bashkëshorti yt i ardhshëm dhe babai i fëmijëve të tu. Vrapo zonjushë sa je në kohë!

6. Jeton akoma në të kaluarën

A të tregon i dashuri vazhdimisht se sa bukur ia ka kaluar me çunat në Jalë në korrik të vitit 2004? Nëse përgjigjja është po, ndoshta ai nuk është ende mjaft i pjekur për t’u martuar.

7. Aq i bën të tregojë interes për të ardhmen tuaj së bashku

Kur ti përmend të ardhmen tuaj dhe ai duket krejtësisht i painteresuar për atë që ke planifikuar, ai nuk po kërkon të ndërtojë një jetë me ty, citon Anabel.

8. Preferon të shoqërohet me shokë të tjerë beqarë

Burrat që shoqërohen kryesisht me burra të tjerë beqarë mund të kenë më shumë gjasa të vonojnë martesën për shkak të një fenomeni të quajtur ndikim normativ. Këtu individët përshtasin qëndrimet dhe sjelljet sipas grupit të tyre shoqëror, duke përforcuar potencialisht perceptimin se të qenit beqar është më e lakmueshme.

9. S’përmend në asnjë moment krijimin e një familjeje

Burrat nuk e kanë orën biologjike që troket si gratë dhe shumica e burrave as dëshirojnë aq shumë për fëmijë siç bëjnë disa gra. Në trurin e një burri, të kesh një familje është një gjë e natyrshme që do të ndodhë sapo të martohesh. Megjithatë, nëse ai nuk është i gatshëm të diskutojë për të pasur një familje, ai mund të mos jetë gati të të bëjë pyetjen e madhe. /Telegrafi/