Newcastle United mposht në finale Liverpoolin, fiton trofe anglez pas 70 vitesh   

Newcastle ka shënuar fitore ndaj Liverpoolit me rezultat 2-1, në finalen e madhe të EFL Cup të zhvilluar në Wembley.  

 Pjesa e parë nuk është se solli shumë gjerë, me Newcastlen që ishte më e mirë, ndërsa Liverpooli nuk bëri asnjë goditje në portë. 

Pak para se të mbyllet kjo pjesëlojë, në skenë doli Dan Burn, i cili shënoi me kokë për 1-0. 

Laraskat e nisën më mirë edhe pjesën e dytë, duke gjetur rrjetën me Alexander Isak, por që u anulua për pozitë jashtë loje. 

Por vetëm pas një minute, ishte Isak që shënoi sërish, kësaj radhe nga pozita e rregullt për 2-0, duke e afruar Newcastlen me trofeun.

Liverpooli tentoi të kthehej në lojë me Curtis Jones, por në vend ishte Nick Pope. 

Në anën tjetër, Neëcastle ishte afër golit të tretë, por gjuajtjen e Isak e priti Caoimhin Kelleher. 

Liverpooli u kthye në lojë në kohën shtesë, kur Federico Chiesa ishte i saktë për 2-1. 

Minutat e mbetur nuk sollën gola të tjerë dhe Newcastle fitoi trofeun e parë pas 70 vitesh. /Telegrafi/