Komuna e Istogut ka njoftuar mësimdhënësit, nxënësit dhe prindërit se ditën e enjte, më 06.02.2020, nuk do të mbahet mësim në institucionet arsimore të Komunës së Istogut, shkaku i kushteve atmosferike.
Në njoftimin e bërë nga Komuna e Istogut thuhet se në pjesën më të madhe të qytetit dhe fshatrave mungon furnizimi i rregullt me energji elektrike dhe si pasojë e kësaj gjendje është e pamundur mbajtja e mësimit të rregullt, transmeton Telegrafi.
Po ashtu, në njoftim thuhet se dita e humbur do të kompensohet.
Erërat e forta që kanë përfshirë rajonin e Dukagjinit kanë shkaktuar dëme të mëdha materiale./Telegrafi/
