Britney Spears duket se e akuzoi Justin Timberlake se e ka përdorur atë për famë dhe vëmendje në një postim të fshirë tashmë nga Instagrami.
Ylli i muzikës pop është duke e shijuar lirinë e saj dhe tani është kthyer tek njerëzit që i kanë bërë keq.
Biondja ka postuar një video në rrjete sociale, ku shihej me një fustan të gjatë me ngjyrë kafe të përzier me të zezë.
Britney Spears (Foto: Instagram)
Videoja ishte e thjeshtë, por me mbishkrim kishte goditur shumë njerëz që kanë qenë të pranishëm në jetën e saj.
"Kam pasur një telefonatë nga Jezusi mbrëmë dhe a e dini se çfarë tha ai?... I dashur fëmijë... nëna jote po merrej me librin e saj pikërisht në kohën kur të kishe nevojë më shumë për të... gjithçka për çfarë? Famë dhe vëmendje? Ish-partneri juaj bëri të njëjtën gjë...ai po merrej me albumin e tij derisa po përdorte emrin tuaj”, tha ajo.
Edhe pse Spears nuk përmendi ndonjë emër, i vetmi ish-i dashur i saj që publikoi një album ishte Justin, të quajtur “Justified”.
Justin Timberlake (Foto: AFP)
Timberlake ka thënë në të kaluarën se kënga e dytë e albumit, “Cry Me A River”, kishte të bënte me ndarjen e tyre.
Ish-bashkëshorti i Britney, Kevin Federline publikoi albumin e tij të parë, “Playing With Fire”, ndërsa të dy ishin ende bashkë.
Britney Spears dhe Justin Timberlake (Foto: Getty Images)
Justin dhe Britney kanë qenë të lidhur nga 1999 deri në 2002.
Ajo tani është në një romancë dashurie me Sam Asgharin. /Telegrafi/
Britney Spears dhe Justin Timberlake (Foto: Getty Images)
