Në duelin që përfundoi pas vetëm 12 sekondash shkaku i lëndimit të tmerrshëm – Aspinall dhe Blaydes ndanë nga një pije

Kandidati i peshave të rënda, Tom Aspinall kishte një shoqëri jo edhe aq të këndshme pas humbjes së tij në UFC në Londër – kundërshtari i tij Curtis Blaydes iu bashkua atij për një pije pas ndeshjes.

Në një meç që ishte caktuar për të përcaktuar pretendentin e ardhshëm të kampionatit në kategorinë e peshave të rënda, dyshja ishte planifikuar të luftonte pesë raunde pesëminutëshe përpara një turme të mbushur me njerëz në “O2 Arena” në ngjarjen kryesore në UFC Londër.

Megjithatë, pas një shkëmbimi të parë të egër, Aspinall u vu në agoni pas vetëm 12 sekondash duke shtrënguar gjurin e tij të djathtë, duke bërë që arbitri Herb Dean të vendosë Blaydesin fituesin e TKO-së për shkak të lëndimit.

Lexo po ashtu Meçi kryesor i mbrëmjes në UFC përfundoi me fitoren e Blaydes ndaj Aspinall pas vetëm 12 sekondave

Lëndimi shërben për një pengesë masive për Aspinallin e lindur në Atherton, i cili ka shijuar një ngjitje spektakolare në rangun e peshave të rënda që kur nënshkroi për UFC në vitin 2020.

Në një foto të shpërndarë në llogarinë e tij në Instagram pas duelit, Aspinall përqafoi kundërshtarin e tij dhe të dy ndanë një pije së bashku.

“Një birrë bën gjithçka të ndjehet më mirë. Çfarë djaloshi, i madh Curtis dhe ekipi i tij u shfaqën për të më përshëndetur”, shkroi Aspinall. /Telegrafi/