“Ndihemi të vjedhur në Santiago Bernabeu” – mesfushori i Almerias godet rëndë të gjithë pas humbjes nga Real Madridi

Real Madirid ka marrë një fitore me shumë vuajtje 3-2 ndaj Almerias të dielën pasdite.

Mysafirët ishin në epërsi prej dy golave nga pjesa e parë, derisa një tjetër gol iu anulua në pjesën e dytë pranë rezultatit 1-2.

Los Blancos fituan në një ndeshje që solli polemika gjatë saj dhe pas saj natyrisht ku nuk kanë munguar reagimet.

Lexo po ashtu Ramazani krahason ndeshjen Real-Almeria me skandalin në Stamford Bridge

Mesfushori i Almerias, Gonzalo Melero ka dhënë një deklaratë të fuqishme pas ndeshjes, duke thënë se ata u vodhën në Santiago Bernabeu.

“Ne largohemi me ndjenjën se na vodhën ndeshjen. Ata nuk mund të kishin bërë më shumë se kaq për të ndihmuar Realin. Nuk ka asnjë mënyrë që ne ta pranojmë këtë”.

Lexo po ashtu Ancelotti dhe Carvajal njëzëri: Iu lumtë gjyqtarëve, të gjitha ishin vendime të drejta

“Ajo që ndodhi i kaloi të gjitha kufijtë. Gjëja më e keqe është se ata mendojnë se çfarë ndodhi Është në rregull. Më dhemb shumë, La Liga është vite dritë larg Ligës Premier angleze”, tha mesfushori i Almerias, Gonzalo Melero.

Jo vetëm Melero, por edhe futbollistë të tjerë të Almerias kanë dhënë deklarata të fuqishme pas humbjes nga Reali, duke thënë se gjyqtari i dha një dorë madrilenëve për këtë fitore. /Telegrafi/