Ndërron jetë aktori i “Godfather III”, Helmut Berger

Aktori i famshëm me origjinë nga Austria, Helmut Berger, bëhet e ditur se ka ndërruar jetë.

Ai ishte gati të mbushte 79 vjeç, ndërsa ka lënë pas një karrierë të bujshme me filma si: “The Godfather III” e “The Portrait of Dorian Grey”.

I lindur në vitin 1944 në Austri, konfirmohet se vdekja e Berger ndodhi të enjten, në orët e para të ditës.

Kështu, bota e kinemasë humbi një nga legjendat më të mëdha evropiane, personaliteti dhe polemikat e të cilit ishin po aq të rëndësishme sa trashëgimia e tij.

Gjatë viteve të tij të hershme, Helmut kaloi kohë në disa vende si Franca, Anglia dhe Italia, ku u takua me Luchino Viscontin, i cili e bëri atë një nga aktorët më të rëndësishëm të kohës.

Që atëherë, dyshja u bënë të pandashëm. Megjithatë, pas vdekjes së regjisorit në vitin 1976, aktori ndryshoi krejtësisht dhe iu drejtua një jete të shfrenuar, ku nuk munguan droga e alkooli.

Veç kësaj, ai ka qenë i pranishëm edhe në filma të tjerë si: i “Ludwig” dhe “Ash Wednesday”.

Që nga vitet 1990, kur publikoi autobiografinë e tij dhe pranoi se kishte fjetur me dhjetëra të famshëm, ai pati një martesë 15-vjeçare dhe madje u tërhoq nga kinematë për t’u kujdesur për të ëmën. /Telegrafi/