Ndërhyrje ‘kung-fu’ nga Arturo Vidal, gjyqtari e ndëshkoi direkt me të kuq

Shpresat e Kilit për t’u kualifikuar në Kupën e Botës janë aktualisht në rrezik, pasi pësuan humbje 2-0 në shtëpi ndaj Ekuadorit.

Kilianët nuk arritën të kualifikoheshin në edicionin e vitit 2018 dhe aktualisht është i gjashti në grupin CONMEBOL.

Vetëm pesë skuadrat e para në grup kalojnë në fazën tjetër, me Brazilin dhe Argjentinën që tashmë kanë siguruar kualifikimin.

Kili – i cili fitoi Kupën e Amerikës në vitet 2015 dhe 2016 – do të duhet të përmirësohet në katër ndeshjet e fundit nëse duan të kalojnë ose Perunë ose Kolumbinë në vendet e kualifikimit.

Ndeshja kundër Ekuadorit filloi në mënyrën më të keqe të mundshme për ta, pasi Pervis Estupinan u dha epërsinë mysafirëve pas vetëm nëntë minutash.

Më pas, në 15 minuta lojë, mesfushorit veteran Arturo Vidal iu dha një karton i kuq direkt.

Mesfushori i Interit e gjeti vetën në një situatë tejet të keqe, pasi bëri ndërhyrje brutale ndaj Felix Torres Caicedo.

Ekuadori tani është gjashtë pikë larg në vendin e tretë dhe duket i vendosur për të arritur në Kupën e Botës 2022, e cila do të ishte një arritje e madhe.

expulsado Arturo Vidal en Chile tras una tremenda patada hacia Félix Torres 😰😰😰 pic.twitter.com/Kzf3iSgI28

— ⓘ𝕏 (@FuteChampagne) November 17, 2021

Katër ndeshjet e mbetura kualifikuese të Kilit i shohin ata të përballen me Brazilin, Argjentinën, Uruguain dhe Bolivinë, që sigurisht është një ecuri e vështirë.

Ëndrrat e Vidal dhe Alexis Sanchez për një ‘Vallëzim të Fundit’ në Katar mund të mos bëhen realitet. /Telegrafi/

View this post on Instagram

A post shared by Telegrafi Sport (@telegrafisport)