Ndalohet bartja e fanellës me numrin 88 nga FIGC dhe për këtë ka një arsye të fuqishme

Futbolli italian ka ndërmarrë një hap për ta luftuar antisemitizmin (armiqësi ose paragjykim ndaj popullit hebre) duke i ndaluar lojtarët që ta bartin numrin 88 në fanellë.

Presidenti i Federatës Italiane të Futbollit (FIGC), Gabriele Gravina, në bashkëpunim me ministrin e Punëve të Brendshme, Matteo Piantedosi, ministrin e Sportit, Andrea Abodi dhe koordinatorin kombëtar për luftën ndaj antisemitizmit Giuseppe Pecoraro, e konfirmuan vendimin të martën – njofton La Repubblica.

Numri 88 është një simbol që shfrytëzohet nga grupet neo-naziste si një mënyrë e shprehjes “heil Hitler” (e përdorur gjatë regjimit nazist si një përshëndetje ose një aklamacion i supremacisë së Adolf Hitlerit). Kjo për faktin se shkronja ‘h’ është e teta në alfabet.

Lexo po ashtu Asgjësimi i hebrenjve në Serbi: Vendi i vetëm në Evropë, pa “problemin hebraik”

Më herët gjatë sezonit, një tifoz i Lazios u dënua për veshjen e një versioni të fanellës së Biancocelestëve, të printuar me numrin 88 së bashku me emrin ‘Hitlerson’.

Lazio fan with a ‘Hitlerson’ T-shirt on. pic.twitter.com/ka4iJv3Dzm

— Italian Football News 🇮🇹 (@footitalia1) March 21, 2023

Futbolli italian synon të eliminojë incidente të tilla dhe t’i japë fund antisemitizmit dhe diskriminimit më të gjerë brenda lojës së futbollit.

Krahas ndalimit të numrit 88, Piantedosi shtoi se ekziston gjithashtu “një ndalim i përdorimit të simboleve nga mbështetësit që mund t’i referohen nazizmit” dhe se është përgjegjësi e individëve t’i përmbahen gjuhës jodiskriminuese në mjediset publike. /Telegrafi/