Napoli merr një goditje në stërvitjen e fundit, do të jetë pa Kvaran në sfidën ndaj Atalantës

Khvicha Kvaratskhelia është sensacioni i këtij viti në Serie A dhe jo vetëm.

Sulmuesi anësor gjeorgjian u transferua për ta zëvendësuar kapitenin Lorenzo Insigne dhe deri më tani ka arritur ta bëj në mënyrën më të mirë të mundshme.

Reprezentuesi i Gjeorgjisë është futbollisti kryesor i Napolit këtë edicion, por në derbin ndaj Atalantës ai nuk do të jetë.

Kvara është lënduar në stërvitjen e sotme (e premte) dhe nuk do të jetë në dispozicion të Spallettit për sfidën e së shtunës ndaj Atalantës në udhëtim.

Napoli ka publikuar listën me futbollistët e ftuar për këtë sfidë dhe në të nuk është Khvicha Kvaratskhelia.

📃 I convocati di #AtalantaNapoli 👇

💙 #ForzaNapoliSempre pic.twitter.com/sMcSlnMmxN

— Official SSC Napoli (@sscnapoli) November 4, 2022

Kësisoj lideri aktual i Serie A në sfidën shumë të rëndësishme do të jetë pa dy liderët, atë të mbrojtjes Amir Rrahmanin dhe të sulmit, Khvicha Kvaratskhelia.

21-vjeçari është duke kaluar nëpër një formë të jashtëzakonshme ku në 17 ndeshje zyrtare me Napolin ka shënuar tetë gola dhe ka asistuar në 10 të tjerë. /Telegrafi/