Muharremaj për gjedhet me sëmundjen gungore: Situata alarmante, të ndihmohen fermerët

Deputeti i AAK-së, Bali Muharremaj ka reaguar ndaj situatës aktuale për lopët që janë infektuar nga sëmundja gungore në lëkurë.

Sipas tij, situata është alarmante, kurse Qeveria e Kosovës është fajtore që e ka neglizhuar këtë duke lejuar që fermerët të humbin shumë.

Ai ka treguar se sot ka vizituar fermerë të fshatrave të ndryshme dhe ka parë që situata është e keqe, andaj ka apeluar te të gjithë që t`u ndihmojnë atyre.

Lexoni reagimin e plotë të Muharremajt:

Situata duket alarmante. Sipas asaj që e pash në teren, mbi 100 raste të infektimit, e dhjetëra lopë janë gruposur, nga sëmundja gungure e lëkurës.

Sot me ekspertët e bujqësisë, Hajrush Suka e Sami Kryeziu dhe sekretarin organizativ të AAK-së në Therandë, Idriz Selimaj vizituam fermerët në Sallagrazhdë, Mushtisht, Maqitevë e Vraniq ku e hasëm një gjendje të mjeruar nga përhapja e kësaj sëmundje.

Qeveria e Kosovës ka qenë neglizhente, duke lejuar që të arrijmë të kjo situatë ku fermerët po humbin shumë.

Shqetësuese është edhe fakti se Komuna e Suharekës, edhe pse është informu që nga Korriku, për paraqitjen e kësaj sëmundje dhe ka qëndruar duarkryq përpallë kësaj situate.

Neglizhenca si nga Qeveria qendrore, poashtu edhe nga ajo komunale është për të ardhur keq, dhe është skandaloze.

Si qytetarë, por mbi të gjitha si deputet, apelojë që tu dilni në ndihmë fermerëve e të mos pësojnë humbje edhe më shumë në gjedhët e tyre, sepse tek shumë nga ta, është i vetmi burim i të ardhurave.