MTL: Nëse OBRM-PDUKM-ja nuk kërkon falje, do ta padisim për shpifje

Ministria për Transport dhe Lidhje as që ka bërë shpallje për furnizim publik nëpërmjet sistemit elektronik për furnizime publike e as që planifikon të bëjë çfarëdo furnizimi për ato qëllime, reagojnë nga Ministri për transport dhe lidhje ndaj akuzave të OBRM-PDUKM-së opozitare se planifikon të shpenzojë 24 mijë euro për furnizime me alkool, përcjell Telegrafi Maqedoni.

“Kjo është vetëm një përpjekje e egër nga ana e OBRM-PDUKM-së për të manipuluar tërë publikun dhe të bëjë diskreditimin e punës së Ministrisë për transport dhe lidhje. Gënjeshtrat që lëshon OBRM-PDUKM në publik nuk janë asgjë tjetër veçse infromata të pakontrolluara me të cilat duan të krijojnë imazh të rrejshëm për punën e kësaj ministrie. Ftojmë përfaqësuesit e OBRM-PDUKM-së që në mënyrë publike të sqarojnë për opinionin, ku qëndron se MTL ka bërë shpallje të tillë për furnizim”, thuhet në reagimin e MTL.

Nga MTL shtojnë se në interes të së vërtetës, ftojnë OBRM-PDUKM-në dhe Zhaklina Peshevska të kërkojnë falje për gënjeshtrat e lëshuara, në të kundërtën do të ndërmerren të gjitha masat e nevojshme ligjore për shpifje./Telegrafi/